Sulmuesi i Atalanta-s, Ademola Lookman, ka bërë zgjedhjen e tij mes Cristiano Ronaldos dhe Lionel Messit.

Me kalimin e viteve, tifozët, ekspertët dhe lojtarët shpesh kanë bërë zgjedhjet e tyre mes dy futbollistëve legjendar.

Ronaldo dhe Messi kanë udhëhequr renditjen si dy nga lojtarët më të mirë në këtë sport për dy dekadat e fundit.

Sidoqoftë, Ademola Lookman iu kërkua të zgjidhte mes të dyve gjatë një interviste me SportyTV, dhe ai tha:

“Lojtari më i madh i të gjitha kohërave? Cristiano Ronaldo”.

Ronaldo tani luan për Al-Nassr në Arabinë Saudite, pasi u largua nga Europa në janar 2023. Ai luajti për Sporting, Manchester United, Real Madrid dhe Juventus gjatë gjithë karrierës së tij në Kontinentin e Vjetër.

Nga ana tjetër, Lionel Messi tani luan për Inter Miami në SHBA. Ai luajti për Paris Saint-Germain dhe Barcelona-n, ku kaloi dy dekada, përpara se të largohej nga Europa në verën e vitit 2023.