Ish-mbrojtësi i majtë i Liverpool, John Arne Riise, ka thënë se Trent Alexander-Arnold ka mundësi të largohet nga klubi i tij i fëmijërisë pas përfundimit të sezonit.

Alexander-Arnold, 26 vjeç, ka qenë një temë kryesore e diskutimit për shkak të situatës së tij të kontratës.

Mbrojtësi i djathtë, i cili thuhet se është një objektiv i Real Madridit, nuk ka ende një kontratë të re me Reds.

Gjatë një interviste në Amazon Prime, Riise lavdëroi Alexander-Arnold dhe bëri një parashikim të guximshëm për të ardhmen e anglezit.

“Nuk ka pasur kurrë si ai në futbollin botëror apo te Liverpool. Ai është i jashtëzakonshëm. Në futbollin modern, duhet të jesh i mirë në mbrojtje dhe në sulm, ai është jashtëzakonisht i mirë përpara me pasimet dhe vizionin e tij.

Riise, i cili ndihmoi Liverpool-in të fitonte shtatë trofe si lojtar, vazhdoi:

“Këta lojtarë vazhdojnë të japin sinjale të ndryshme, nëse do të qëndrojnë apo do të largohen.

“Në bazë të asaj që thuhet atje, ai do të qëndrojë sepse i pëlqen futbolli dhe Slot ka hyrë dhe e ka ndryshuar atë si lojtar, veçanërisht në mbrojtje.

“Unë mendoj se ai është i lumtur, por ka të bëjë më shumë me vetë Trentin dhe atë që ai dëshiron nga karriera e tij”.

Riise përfundoi:

“A ka nevojë për diçka të re, apo është i lumtur këtu? Kjo është pyetja e madhe. Pra, me një fjalë: do të qëndrojë apo do të largohet? Mendoj se do të largohet.

“Nëse ai largohet nga klubi i fëmijërisë së tij, Slot e ka Conor Bradley më se të gatshëm për t’i marrë vendin Arnold, por një largim i Alexander-Arnold me kosto zero do të ishte një goditje e rëndë për Liverpool-in”.