Inter dhe Napoli duket se kanë mbetur dy skuadrat e vetme që luftojnë për titullin kampion në Serie A këtë sezon. Të dyja fituan në ndeshjet e fundit dhe zikaltërit ruajnë avantazhin prej 3 pikësh ndaj napoletanëve.
Sulmuesi austriak i Inter, Marko Arnautovic, protagonist me një gol në fitoren 2-1 ndaj udinese, tha: “Duhet të shikojmë veten tonë dhe jo rivalët tanë. Nuk mund të bëjmë asgjë për të tjerët”.
“Duhet të mendojmë për të fituar tetë ndeshjet e mbetura të Serie A dhe në fund do të shohim se ku jemi. Skuadra e di dhe ndjen momentin. Ne do të përpiqemi të marrim titullin kampion”, tha Marko Arnautovic në një intervistë për Sky.
