Juventus ka barazuar 2-2 në shtëpi me Venezia-n.

Ndeshja e vlefshme për javën e 16-të të kampionatit italian ka nisur shumë mirë për skuadrën e Motta-s, që ka kaluar në avantazh pas 19 minutash lojë me Gatti-n.

Në fillimin e pjesës së dytë, bardhezinjtë kanë gjetur edhe golin e dytë me Yildiz, por që është anuluar nga VAR për një prekje të topit me dorë.

JUVENTUS-VENEZIA 2-2 – GOLAT – VIDEO

në minutën e 61-të ka ardhur reagimi i miqve që kanë barazuar me Ellertsson dhe në të 83-ën ka ardhur befasia me golin e dytë të shënuar nga Idzes.

Kur dukej se Venezia do të largohej me tri pikët nga Torino, arbitri ka akorduar një penallti në favor të vendasve dhe Vlahovic nuk ka gabuar nga pika e bardhë në minutën e 95-të.