Red Bull dhe Max Verstappen festuan podiumin e tyre të parë për vitin 2026 në garën e fundit të zhvilluar në Montreal (Kanada). FIA së shpejti do të shpallë vendimin e parë ADUO dhe njësia e fuqisë Red Bull-Ford pritet të mos jetë e përshtatshme për përmirësimet bonus.

Në prag të garës së radhës së Formula 1, ajo që zhvillohet në rrugët qytetase të Montekarlo, ka folur për mediat 4 herë kampioni i botës Max Verstappen. “Bëmë hapa pozitivë përpara në Miami dhe ritmi është shumë më afër asaj që na nevojitet. Po përmirësohemi”, tha holandezi.

“Në Kanada ndjeva se ishim në gjendje të merrnim performancë më të mirë nga makina dhe u ndjeva më rehat. Do të vazhdojmë të japim gjithçka, sepse gjithmonë ka fusha për t’u përmirësuar dhe për të punuar dhe kështu veprojmë si ekip”, shtoi Max Verstappen.

Më tej, ai komentoi: “Një strategji e mirë është thelbësore në Monako dhe gjithçka vendoset në provat zyrtare. Në Formula 1, qëllimi është të fitosh, por ky podium i parë është një moment historik për t’u festuar, duke pranuar rëndësinë e asaj që kemi arritur në një kohë kaq të shkurtër”.

“Rruga është ende e gjatë dhe e dimë që hendeku me liderët është i konsiderueshëm, por po mësojmë shpejt, po zhvillojmë aftësitë tona dhe po përqendrohemi në fushat e duhura. Jemi të emocionuar për garat e ardhshme, ku do të vazhdojmë të përparojmë dhe të ndjekim fitoren tonë të parë”, përfundoi Verstappen.