Duke u rikthyer në fushë në moshën 44-vjeçare, tenistja amerikane Serena Williams provoi se nuk e ka humbur lidhjen me fitoren. Ajo u rikthye në turneun e fushës me bar disa vite pasi ishte tërhequr nga sporti.

Në debutimin e saj në lojën dyshe në turneun me bar “Queen’s, në Londër, ajo dhe kanadezja Victoria Mboko mposhtën 2-0 dyshen amerikane Nicole Martinez dhe australianen Erin Routliffe (7-6, 6-2).

Tashmë me dy fëmijë, të lindur në vitin 2017 dhe 2023, Serena Williams nuk kishte luajtur në një turne dhe ndeshje zyrtare që nga 2 shtatori 2022, dita kur humbi në raundin e tretë të US Open.

Tenistja amerikane është një nga ikonat e këtij sporti, ish-numri 1 në botë dhe fituese e 23 grand slam në karrierën e saj. Gjasat janë që ajo të luajë edhe në turneun e madh të Wimbledon, në fund të qershorit.