Lionel Messi vazhdon të jetë një magnet admirimi, edhe nga kundërshtarët. Pas fitores dramatike 3-2 të Argjentinës ndaj Kepit të Gjelbër në 1/8 finale të Kupës së Botës 2026, disa futbollistë të ekipit afrikan pritën me durim përfundimin e intervistës televizive të kapitenit argjentinas vetëm për të realizuar disa “selfie” dhe fotografi kujtim me të.
Skena u zhvillua pranë fushës menjëherë pas përfundimit të ndeshjes dhe u bë shpejt “virale” në rrjetet sociale. Pavarësisht zhgënjimit për eliminimin pas 120 minutash luftë, lojtarët e Kepit të Gjelbër nuk e humbën mundësinë për të takuar nga afër 8 herë fituesin e “Topit të Artë”, kampionin e botës dhe një nga futbollistët më të mëdhenj në histori.
Messi, si gjithmonë, u tregua i gatshëm dhe i buzëqeshur, duke pozuar me secilin prej tyre. Një moment që tregoi respektin e madh që gëzon 39-vjeçari në botën e futbollit, përtej rivalitetit në fushën e lojës.
