Pa gol apo asist, por si gjithmonë një paraqitje për duartrokitje dhe ovacione në fitoren 3-0 ndaj Austrisë, që i dha Spanjës kualifikimin në 1/8 finale kundër Portugalisë së Cristiano Ronaldos. Pas ndeshjes, në zonën miks, talenti nga Rocafonda u la të rrëmbehej nga një koment i ndjerë për vëllain e vogël, Keyne.

I pranishëm në tribuna në “SoFi Stadium” të Inglewood-it, ai tërhoqi vëmendjen me disa festime të çuditshme dhe të zjarrta, duke mbështetur LY10 dhe pjesën tjetër të “Furie Rosse”.

“Më emocionon ta shoh vëllain tim të lumtur, nënën time duke jetuar jetën, çka gjithmonë e ka ëndërruar. Miqtë e mi…, – reflektoi 18-vjeçari para gazetarëve. – Në fund, ajo që dëshiroj është ëndrra më e madhe e një fëmije, përveç futbollit dhe gjithçkaje tjetër”. Duke u kthyer te vëllai i vogël shtoi: “Është gjithçka për mua, është si të ishte djali im. Jam i dashuruar me të”.

Lojtari i lindur më 2007 foli kështu me një buzëqeshje që tregonte gjithë dashurinë për të voglin Keyne. Sepse ylli i Barcelonës, që ëndërron të ngrejë Kupën e Botës, do të donte patjetër ta ndante atë moment me familjen e tij.