Anglia dhe Argjentina do të përballen mes tyre ne gjysmëfinalen e këtij Botërori, për një biletë për finalen e madhe. Kjo gjysmëfinale mes tyre përkon me 40 vjetorin e përballjes historike në Botërorin e Meksikës në vitin 1986, ku protagonisti i jashtëzakonshëm ishte Diego Maradona me “Dorën e Zotit” dhe golin e tij të jashtëzakonshëm, ndoshta më të bukurin në karrierë. Argjentina fitonte 2-1 në atë kohë dhe shkonte në gjysmëfinale. Ndërsa këtë herë do të luhet për biletën e finales.

Ylli kryesor i Argjentinës, Lionel Messi, nuk i fsheh emocionet për përballjen e tij të parë ndaj “Tre Luanëve”.

“Të luash kundër Anglisë është e veçantë sepse ata janë një fuqi e madhe në futboll, dhe ndeshjet kundër kundërshtarëve të tillë janë gjithmonë të veçanta. Është hera e parë që do të luaj kundër tyre. Kam luajtur kundër të gjithëve përveç Anglisë, kështu që do të jetë mirë edhe për këtë arsye”, tha Messi.