Jurgen Klopp është i bindur se pasardhësi i tij te Liverpool, Arne Slot është njeriu i duhur për këtë punë.

Klopp foli me ESPN për trajnerin holandez.

“Kemi folur një ose dy herë (në fillim)”, tha Klopp. “Mendoj se kemi shkëmbyer mesazhe disa herë. Por nuk mund t’i them asgjë atë që ai vetë nuk mund ta dinte.

“Për momentin nga ana ime, vetëm për të dhënë komente pozitive në fillim, sepse ne jemi të gjithë qenie njerëzore dhe ai po punon shumë mirë.

“E di që turneu para-sezonal është super intensiv në një vit kur ke Europianin dhe Kupën e Amerikës, nuk e ke ekipin bashkë, dhe kur lojtarwt kthehen ke një javë deri në ndeshjen e parë dhe gjëra të tilla.

“Puna që ai bëri ishte e qartë, idetë e dukshme. Dhe kjo është më e mira që mund të thuash për trajnerin. Isha shumë i lumtur kur dëgjova se Liverpool do merrte Arne Slot.

“Shumë gjëra ndryshuan që kur u larguam. Por shqetësimi i vetëm për mua ishte, a do të gjenin një trajner të mirë? Liverpooli bëri një zgjidhje shumë të mirë me Arne Slot”.