Në pritje për të mësuar se cilat do të jenë risitë që Ferrari do të ketë këtë fundjavë në garën e Monza, në shtëpinë e tij, është zbuluar se pilotët e makina do të kenë një pamje të re. Pas pamjes së re që makina italiane pati në Majemi edhe në garën e Italisë do të jetë një makinë ndryshe.

Pilotët nuk do të vishen me të kuqe por me të zezë dhe këtë ngjyrë pritet të ketë edhe makina Ferrari, një pamje që pritet të sjellë më shumë fat në garën e Monza. Ndërkohë, drejtori sportiv i “kokëkuqes”, pas vendit të tretë në Holandë shpreson për një rezultat edhe më të mirë në shtëpi.

“Mbërrijmë në Monza me humor të mirë për shkak të mënyrës se si arritëm të performonim në Zandvoort, duke demonstruar se si në këtë Formula 1 shumë ndryshim bëhet edhe nga ekzekutimi i përsosur. Domethënë, aftësia për të bashkuar të gjitha aspektet dhe shfrytëzoni sa më mirë potencialin e paketës së disponueshme”, tha Vasseur.

“Monza është një garë më vete në çdo aspekt. Pista mbetet e vetmja super e shpejtë në kalendarin e Formula 1 dhe këtë vit bordurat e disa kthesave janë modifikuar. Për ne është e veçantë sepse e dimë se mund të llogarisim mbështetjen e mijëra tifozëve, të cilët me të drejtë, presin rezultate të shkëlqyera nga ne”, tha Frederic Vasseur.

“Objektivi është të kthehemi për t’i bërë tifozët të kërcejnë nga gëzimi. Për këtë ne jemi përgatitur me skrupulozitet dhe do të prezantojmë disa përditësime që shpresojmë se do të na bëjnë një hap tjetër përpara në drejtim të konkurrencës. Kemi nevojë për mbështetje dhe do të vendosim zemrën dhe shpirtin tonë në të”, tha Vasseur.