Një tjetër skandal ka prekur Premier League. Sipas tabloidid “The Sun”, një yll i futbollit anglez dhe ndërkombëtar është arrestuar me akuzën e përdhunimit të një gruaje të re. Ngjarja ka ndodhur në një hotel në West End.

Futbollisti 20-vjeçar u ndalua nga policia në hotelin ekskluziv Corinthia në Whitehall Place, Westminster, ku dyshohet se ka ndodhur dhuna e supozuar. Sipas mediave, gruaja rreth të 20-ave ishte kthyer në hotel me lojtarin, pasi e kishte takuar atë në një bar në qendër të Londrës.

Më pas, ajo është sulmuar dhe dhunuar nga futbollisti, emri i të cilit nuk bëhet i ditur për arsye ligjore. Policia e arrestoi atë në hotel për përdhunimin e dyshuar pak para orës 10 të mëngjesit të atij mëngjesi dhe i akuzuari u dërgua në stacionin e policisë Charing Cross, përpara se të merrej në pyetje gjatë gjithë ditës në prani të një avokati.

Janë marrë analizat e ADN, një gotë filxhani si dhe gjurmë gishtash tëtë dyshuarit, siç është rutinë për këdo të arrestuar. Më pas, lojtari u lirua me kusht deri në mes të dhjetorit, në pritje të hetimeve të mëtejshme të policisë.

Lojtari thuhet se e mohon përdhunimin. Si pjesë e hetimit të saj, policia ka kryer një ekzaminim mjekoligjor të dhomës së futbollistit prej 750 paund në natë dhe po analizon pamjet e kamerave të sigurisë nga hoteli.