Kamerat televizive të “Movistar Plus+” kapën dy nga tifozët e Real Madridit, të cilët shpërthyen në fyerje raciste ndaj Lamine Yamal në “El Clasico” e fundit, që Barcelona e fitoi 4-0 në “Bernabeu”.

Shihet qartë se si dy tifozët e kapur nga kamerat e quajtën futbollistin 17-vjeçar të Barçës “mut i zi” dhe “majmun”. Real Madridi, i cili i dënoi rreptësisht këto fyerje, shpalli masa disiplinore dhe gjyqësore ndaj tifozëve të përfshirë në thirrje të tilla raciste.

“Real Madridi ka hapur një hetim për të gjetur dhe identifikuar autorët e këtyre fyerjeve, që janë për të ardhur keq dhe të neveritshme”, – njoftoi klubi i bardhë. Edhe La Liga do t’i denoncojë në organet përkatëse fyerjet raciste që Lamine Yamal mori në cepin e “Santiago Bernabeu” kur po festonte golin e tij në “El Clasico”:

“Duke pasur parasysh ngjarjet që ndodhën gjatë ndeshjes Real Madrid-Barcelona, ​​në të cilat u vërejt sjellje e patolerueshme raciste, La Liga do t’i raportojë menjëherë ofendimet dhe gjestet raciste të marra nga lojtarët e Barcelonës në Seksionin e Urrejtjes së Brigadës së Informacionit të Policisë Kombëtare. Po kështu, do të informojmë të nderuarin prokuror, koordinatorin e Njësisë për Krimet e Urrejtjes dhe Diskriminimit të Prokurorisë së Përgjithshme të Shtetit”.

Vinicius Junior shkroi një mesazh në rrjetet e tij sociale, duke shprehur keqardhje për fyerjet raciste të marra nga disa lojtarë të Barcelonës në “El Clasico”: “Ajo që ndodhi në ‘Bernabeu’ me ofendime raciste është për të ardhur keq. Nuk ka hapësirë ​​për këta kriminelë në shoqërinë tonë. Jap gjithë mbështetjen time për Lamine, Ansu dhe Raphinha, e di Real që Madridi dhe policia do të bëjnë gjithçka për t’i identifikuar dhe ndëshkuar fajtorët”.