Ndodhi ajo që kishte frikë trajneri Mikel Arteta. Pas dëmtimeve të Calafiori, Tomiyasu, Tierney, Odegaard, Merino dhe Timber, lista e lojtarëve që shkojnë në infermieri është shtuar edhe me Ben White.

Mbrojtësi i djathtë anglez ka ngritur “flamurin e bardhë” gjatë grumbullimit me kombëtaren angleze. Madje ai ka kryer edhe një operacion të vogël në gju në fillim të kësaj jave.

Për pasojë, tek Arsenal janë në ankth për rikthimin e tij edhe pse është duket e sigurtë që White nuk do të luajë më këtë vit (rikthehet në janar). Trajneri Mikel Arteta ka frikë për një ndalesë disajavore, por për momentin nuk ka një konfirmim zyrtar.

Një mungesë e rëndësishme për “topçinjtë”, që do të prëballen me një muaj të ngjeshur me ndeshje mes Premier League dhe Champions League.Arteta pranoi se po “lutej” për të shmangur probleme të mëtejshme lidhur me dëmtimet, por duket se fati nuk është me të.