Formula 1 rikthehet këtë fundjavë me garën e Çmimit të Madh të Las Vegas. Te McLaren kërkojnë të rikthehen protagonistë pas dështimit tri javë më parë në Brazil. Ai që shpreson ende te titulli kampion për pilotë është britaniku Lando Norris.

“Kam punuar në fabrikë me ekipin në funksion të tre garave të fundit të vitit. Kam kaluar kohë duke u përgatitur në simulim me inxhinierët e mi. Të gjithë janë të motivuar dhe të gatshëm të japin gjithçka në luftën për të dy kampionatet”, tha Norris.

“Pilotimi në Las Vegasit është vërtet interesant dhe mezi pres të garoj aty. Ne kemi pasur një makinë të mirë këtë vit, por edhe të tjerët janë afër, ndaj mezi pres të shoh se çfarë mund të bëjmë këtë fundjavë”, shtoi britaniku i McLaren.

“Ne po punojmë shumë për të ruajtur epërsinë tonë në kampionatin e konstruktorëve. Synimi është të shtyjmë sa më shumë që të arrijmë më shumë fitore dhe podiume përpara përfundimit të Botërorit”, u shprej Norris.