Në prag të sesioneve të ardhshme të merkatos, ndoshta që në janar, një nga emrat më të përfolur dhe për t’u mbajtur nën vëzhgim është padyshim ai i Alexander Isak (25 vjeç). Sulmuesi suedez, i lindur në vitin 1999 dhe që luan për Newcastle, konsiderohet nga shumëkush si një yll i mundshëm i së ardhmes së afërt. Për muaj të tërë kanë dalë në pah pista të mundshme nga klubet elitare që janë të interesuara për ta shtuar në grupin e tyre.

Në javët e fundit, Arsenali është përmendur si një skuadër shumë e interesuar, por “Topçinjtë” nuk janë të vetmit që e duan atë në Londër. Siç raporton “Sky Sports UK”, në kryeqytetin britanik është edhe Chelsea që po përgatitet të lëvizë për të siguruar qendërsulmuesin e kombëtares suedeze.

“Problemi,” nëse mund të quhet i tillë, duke pasur parasysh burimet financiare të mëdha të klubeve të mëdha të Premier League, qëndron në vlerësimin që i ka vendosur Newcastle. Për të marrë Isak, duhet të shpenzohet një shumë që arrin deri në 130 milionë euro. Këto janë kushtet që Newcastle do të kërkonte për të hequr dorë nga xhevahiri i vet. Vetëm një ofertë e jashtëzakonshme do të ishte e nevojshme për t’i lëkundur “Magpies”.

Në rast se do ta shiste Isak për një shumë kaq të lartë, Newcastle do të kishte mundësinë të synonte alternativa të nivelit të lartë, si për shembull Viktor Gyökeres nga Sporting Lisbona, edhe ky një tjetër sulmues suedez.