Juventusi pritet të bëhet shumë aktiv në merkaton e janarit. Trajneri Thiago Motta dëshiron të bëjë ndryshime të mëdha në skuadër.
Gleison Bremer dhe Juan Cabal nuk do të luajnë deri në fund të sezonit dhe duhen ndërhyrje të shpejta për mbrojtjen, që të mos rrezikohet kampionati.
Juventusi aktualisht i ka sytë te Chelsea. Objektivi i parë është qendërmbrojtësi Benoit Badiashile. Francezi po konsiderohet për huazim me të drejtë blerjeje.
Opsioni i dytë është Ben Chilwell si mbrojtës i majtë për “Zonjën e vjetër”. Opsioni i tretë nga Chelsea është mesfushori italian Cesare Casadei.
