Real Madrid thuhet se mund të synojë një yll të Liverpoolit për të zëvendësuar Toni Kroos.

Të martën, u konfirmua se mesfushori gjerman Kroos do të tërhiqet nga futbolli pas Euro 2024.

Kroos tha në një deklaratë: “Në fund të sezonit ky kapitull përfundon. Nuk do ta harroj kurrë këtë kohë të mbushur me suksese! Do të doja të falënderoja veçanërisht të gjithë ata që më pritën me zemër të hapur dhe më besuan.

“Në të njëjtën kohë, ky vendim do të thotë që karriera ime si futbollist aktiv do të përfundojë këtë verë pas Kampionatit Europian”.

Duket se Madridi mund t’i drejtohet yllit të Liverpool, Alexis Mac Allister, i cili mund të jetë një zëvendësues ideal për Kroos.

Siç raporton The Sun, raportet në Argjentinë kanë pohuar se kontaktet mes Liverpoolit dhe Madridit kanë filluar, por asnjë ofertë nuk është bërë deri tani.

Mac Allister iu bashkua Liverpoolit verën e kaluar si pjesë e një ndryshimi të madh në mesfushë dhe ka shkëlqyere nën drejtimin e Jurgen Klopp.

25-vjeçari e nisi sezonin në një pozicion më të tërhequr, pasi Klopp ngadalë vendosi Wataru Endo në krahun e tij.

Ndërsa sezoni vazhdoi, argjentinasi u kthye në rolin e tij të preferuar numër tetë.

Mac Allister e përfundoi sezonin e tij në mënyrë të shkëlqyer me golin e shënuar ndaj fitores 2-0 të Liverpool-it kundër Wolves në javën e fundit të Premier League.