Atletico Madrid fitoi 4-3 ndaj Sevilla në një ndeshje të çmendur në La Liga, sukses që mban squadrën e trajnerit Diego Simeone pranë Barcelona e Real Madrid në renditje. Fitore që erdhi në minutat shtesë pas një goli të Griezmann.

“Duhet të vazhdojmë të përmirësohemi. Skuadra funksionon shumë mirë, si një bllok kompakt. Skuadra beson në atë që bën. Griezmann është një lojtar i veçantë, nuk ka pasur një pjesë të parë të mirë, por në pjesën e dytë ai u rrit e na dha fitoren”, tha Simeone.

Duke folur për lojën e ekipit të tij, tlajneri argjentinas shton: “Atletico ka evoluar shumë në lojën e tij, ne punojmë për të marrë më të mirën që kemi. Kemi fituar dy tituj të La Ligës dhe disa trofe të tjerë. Por skuadra ka qenë gjithmonë konkurruese, ka arritur të vendoset në një vendi ku i takon”.

“Kjo është arsyeja pse kërkesa është në rritje dhe ne duhet të jemi të gatshëm ta mbështesim atë. Ne vazhdojmë të mendojmë lojë pas loje. Gjithsesi, titulli mbetet i vështirë kur duhet të konkurrosh me dy përbindësha si Barcelona e Real Madrid”, tha Simeone.