Real Madrid ka barazuar 3-3 në fushën e Rayo Vallecano, ndeshje e vlefshme për javën e 17-të të La Liga-s, dhe ka humbur mundësinë për marrë kreun e kampionatit.
Ka nisur shumë keq ndeshja për Los Blancos, me vendasit që kanë kaluar në avantazh pas vetëm 4 minutash lojë me një gol të Lopez.
Në minutën e 36-të, Vallecano ka dyfishuar avantazhin me një gol të Mumin. Më pas është zgjuar Real Madrid. Valverde ka ngushtuar diferencat me një predhë nga jashtë zone dhe Bellingham ka barazuar në fundin e pjesës së parë.
RAYO VALLECANO-REAL MADRID 3-3 – GOLAT – VIDEO
Në minutën e 56-të, skuadra e Ancelotti-t ka përmbysur gjithçka me një gol magjik të Rodrygo-s. Megjithatë, festa e miqve nuk ka zgjatur gjatë pasi Vallecano ka fiksuar shifrat në 3-3 me Palazaon në të 64-ën.
Minuta edhe për mbrojtësin e Kombëtares Ivan Balliu, i cili është aktivizuar në minutën e 66-të të ndeshjes.
