Pierpaolo Marino është një nga emrat e njohur të futbollit italian duke qene se per shume vite ka bere rolin e drejtuesit sportiv perfekt, pasi Ai ka punuar ne ekipe si Napoli, Atalanta e Udineze gjatë karrierës së tij.

Teksa merr pjesë në emisione të ndryshme sportive, tregon edhe lojtarët të cilët i pëlqejnë më shumë dhe këtë radhë, kishte elozhe të veçanta për Ardian Ismajlin.

I ftuar në emisionin “Il Bello Del Calcio”, ai është ndalur te zërat që shohin mbrojtësin shqiptar të kalojë te napolitanët, duke shprehur admirimin për të.

“Ismajli? Unë çmendem pas tij. Por problemi është se skuadrat me 20 pikë e poshtë janë të gjithë në luftë për të mos rënë nga kategoria”, tha ai, duke lënë të kuptohej se do të ishte e vështirë për napolitanët që të siguronin firmën e mbrojtësit kuqezi në janar.