Chelsea e mbylli fazën e grupeve të Conference League me pikët maksimale, gjashtë fitore në po aq ndeshje. Në sfidën e fundit, “blutë” e Londrës mposhtën Shamrock Rovers 5-1.

Një rezultat që ka lënë të kënaqur trajnerin Enzo Maresca, që sot deklaroi: “Jam shumë i kënaqur me paraqitjen dhe fitoren. Në këto ndeshje është e rëndësishme të fillojmë mirë dhe të mos nënvlerësojmë kundërshtarët”.

“Lojtarët demonstruan profesionalizmin e tyre. Guiu? Ai është i ri, na pëlqen shumë dhe jemi shumë të kënaqur me lojën e tij”, tha më tej trajneri italian.

Në fund, Maresca shtoi: “Çdo ndeshje është e rëndësishme dhe ne duam të fitojmë. Nuk është e lehtë për shkak të udhëtimeve dhe distancave të gjata, por ne e luajmë çdo ndeshje sikur të ishte një finale”.

“Do të ishte bukur sikur të fitonim ndonjë trofe këtë sezon, pasi po luajmë mirë dhe djemtë meritojnë të marrin një shpërblim. Gjithsesi, nuk vendosim objektiva apo limite, të shohim”, tha Maresca.