Eintracht Frankfurt ka mudnur 2-0 Borussia Dortmund në javën e 18-të të Bundesliga-s dhe ka shkuar vetëm dy pikë larg Leverkusen-it të vendit të dytë.
Pavarësisht mungesës së Marmoush, i cili nuk ka qenë pjesë e skuadrës sepse është shumë afër transferimit te Manchester City, kuqezinjtë kanë arritur të marrin një fitore të rëndësishme në kampionat.
Frankfurt 1-0 Dortmund – Hugo Ekitike 18′ – Video
Ndeshja e luajtur në Deutsche Bank Park është zhbllokuar në minutën e 18-të nga Ekitike.
Në fundin e pjesës së dytë ka ardhur edhe goli i sigurisë për vendasit i shënuar nga Hojlund në minutën e 92-të.
Frankfurt 2-0 Dortmund – Oscar Hojlund 90’+2′ – Video
Vazhdon periudha e vështirë për Borussia-n, që sot ka pësuar humbjen e tretë radhazi në Bundesliga.
