Bayer Leverkusen mbetet i pamposhtur dhe “prek” finalen e “Europa League”, pas fitores 2-0 në “Olimpico” ndaj Romës, në gjysmëfinalen e parë. Këto ishin fjalët e Xabi Alonso në konferencën e shtypit:
Rreth Andrich…
Ka gjithmonë një shans të dytë, ne do të kemi kujtime të mira nga kjo mbrëmje. Ai padyshim luajti një rol të rëndësishëm për ekipin. Ishte një paraqitje e shkëlqyer e jona.
Rreth ndeshjes…
Ne luajtëm mirë në kundërsulm, por ndoshta nuk i shfrytëzuam mundësitë për golin e tretë. Gjithsesi, jemi të kënaqur.
Mbi tifozët…
Shpresoj të festojmë së bashku javën e ardhshme.
Një hap drejt finales…
Kemi luajtur një ndeshje të shkëlqyer, por është vetëm pjesë e diçkaje më të madhe. Roma është një ekip i shkëlqyer, do të nevojitet përqendrim i mëtejshëm edhe në ndeshjen e kthimit. Roma mund të bëjë ndonjë përmbysje të madhe.
Cila është analiza juaj për ndeshjen?
Ndeshje shumë inteligjente dhe e rregullt. Deri në shënimin e golit të parë ne i zumë hapësirat mirë, por Roma mundi të na shqetësonte në pjesën e dytë.
Çfarë prisni në gjysmëfinalen e kthimit?
Ne do të luajmë një lojë agresive, nuk do të mbyllemi në mbrojtje.
Si e shpjegoni rekordin e pamposhtmërisë suaj gjatë gjithë sezonit?
Ajo që po bëjmë është e jashtëzakonshme. Unë kam lojtarë të mrekullueshëm, niveli i përqendrimit është shumë i lartë. Nuk duam të ndalemi, por t’i luajmë edhe ndeshjet e ardhshme në këtë nivel. Tripleta sezonale? Jemi afër.
