Skuadra e Liverpool pritet të bëjë një revolucion të vogël këtë verë, kur pas trajnerit holandez Arne Slot pritet të vijnë edhe disa emra të rinj në skuadër. Njëri prej tyre mund të jetë sulmuesi 28-vjeçar anglez Ollie Watkins.
Ai luan me Aston Villa në Premier League, klub me të cilin ka një kontratë deri në vitin 2028. Skuadra e Liverpool po mendon ta sjellë lojtarin në “Anfield” sezonin e tjetër, por për ta realizuar këtë gjë duhen shpenzuar 60 milionë euro.
Ishin golat e Watkins ato që e çuan Aston Villa në një vend në Champions League këtë sezon, duke u renditur në vendin e katërt në Premier League. Trajneri Arne Slot e ka piketuar si përforcimin e duhur, pasi nuk është i bindur nga Darwin Nunez.
Skuadra e “reds” synon të largojë Nunes për t’i hapur vend Watkins, ndoshta duke bërë edhe një shkëmbim lojtarësh. Gjithsesi, s’ka për të qenë e lehtë të bindë Aston Villa të heqë dorë nga sulmuesi kryesor.
