Pas angazhimeve të kombëtareve, Inter do të nisë ciklin përmbyllës të sezonit: kampionat-Kupa e Italisë-Champions League, që do ta bëjë prillin një muaj shumë të nxehtë dhe vendimtar. Skuadra zikaltër, pas suksesit ndaj Atalantës, vjen me një dozë të plotë vetëvlerësimi dhe bindjeje.

“Është sigurisht një moment i lumtur, por ne po i qasemi fundit të sezonit me realizëm të shëndetshëm. Ne jemi të pranishëm në të gjitha garat si protagonistë dhe duam të vazhdojmë të jemi të tillë. Ka një mjedis proaktiv që na lejon të arrijmë në kushtet më të mira”, tha presidenti i Inter, Beppe Marotta për Sky.

Në lidhje me mundësinë që Inter të fitojë tri trofe, ashtu si në kohën e Jose Mourinho, presidenti i Inter shtoi: “Sigurisht që jemi ambiciozë, por sigurisht që nuk është rezultat i arrogancës të themi se synojmë maksimumin. Jemi aty në momentin e duhur, nëse dikush është më mirë do t’i përgëzojmë“.

Ai foli edhe për të ardhmen e trajnerit Simone Inzaghi dhe mundësinë e rinovimit të kontratës. “Këto janë tema që zakonisht i trajtojmë kur gjërat janë të qeta. Sigurisht që janë të gjitha kushtet që ne të vazhdojmë së bashku për një kohë të gjatë. Jemi rritur shumë me të dhe përtej rezultateve, ajo që ka rëndësi është simbioza që është krijuar”.

“Kontrata e tij nuk skadon tani, por është ende e drejtë të rinovohet në kohën e duhur. Ka një pronësi të re që jep jetë të re, vendosmëri të re, objektiva të rinj. Megjithatë, ekziston një fazë që është një mjet i rëndësishëm. Aksionerët besojnë te projekti sportiv: E përsëris, janë të gjitha kushtet për të ecur përpara së bashku”, tha Marotta.