Milan u mund 3-1 nga Roma, një rezultat që ka konfirmuar se kuqezinjtë nuk do të luajnë në Europë sezonin e ardhshëm. Një rezultat zhgënjyes për një klub me shumë emër, që kishte pritshmëri të mëdha.

Geoffrey Moncada, drejtori teknik i Milan, duke folur për sezonin dhe planet e kuqezinjve, tha: “Jemi shumë të zhgënjyer me sezonin, pasi ail ë pasoja edhe për vitin e ardhshëm. Gjithsesi, kjo do të thotë se do të jemi edhe më të uritur”.

“Kemi pasur shumë ulje-ngritje, jemi të zhgënjyer dhe më vjen keq për tifozët. Unë me të vërtetë kam besim te Sergio. Ai erdhi në janar dhe bëri gjithçka për ne”, tha Moncada, që duke folur për të ardhmen e trajnerit portugez  Sergio Conceiçao sqaroi.

“Do të shohim në fund të sezonit, por kam besim tek ai”, deklaroi Moncada, që foli për rënien e Milan Futuro: “Ne krijuam Milan Futuro për të krijuar lojtarë. Këtë vit 7 lojtarë të këtij ekipi kanë luajtur në Serinë A. Është e rëndësishme të krijosh talente, nuk ka rëndësi të luajë në Serie C apo D“.