A është Cristiano Ronaldo ende në fazat më kërkuese dhe konkurruese, që kur vendosi të transferohej në Arabinë Saudite për të veshur fanellën e Al-Nassr? Apo edhe më mirë, a do të jetë ai ende një gur-themeli i kombëtares portugeze në atë që do të jetë Kampionati i tij Europian i gjashtë radhazi në karrierën e tij? Vetë kapiteni portugez, CR7, iu përgjigj pyetjes përpara nisjes së “Euro 2024”.

“Gjëja më e rëndësishme është që skuadra luajti mirë. Ishte e rëndësishme të fitonim në miqësoren e fundit para Europianit, pavarësisht se kush i shënoi golat, – shpjegoi Cristiano Ronaldo pas ndeshjes kundër Irlandës dhe dopietës personale për fitoren finale 3-0”.

“Nuk e di nëse goli i parë ishte një nga më të mirët e mi, sepse më duhet t’i kthej të gjithë golat mbrapsht”, – është përgjigja ironike e yllit portugez 39-vjeçar, i cili deri më tani ka shënuar 130 gola në 207 ndeshje me kombëtaren, më shumë se gjithkush tjetër në histori.

Pas humbjes së fundit 2-1 kundër Kroacisë, kampionët e Evropës 2016 hoqën dyshimet për një dështim të mundshëm në edicionin e Gjermanisë: “Portugezët presin shumë nga Portugalia, nuk ka asnjë mundësi për gabime. Tifozët tanë duan gjithmonë që Portugalia të fitojë, edhe për shkak të gjeneratës, sepse ka shumë talent”.