Fitore e ngushtë për Francën në debutimin e saj në Euro 2024, kombëtarja e “gjelave” mundi 1-0 Austrinë falë një autgoli, por rëndësi kanë tri pikët për trajnerin Didier Deschamps, që ka kritikuar të tijtë për rastet e shpërdoruara.
“Jam i lumtur që fituam dhe morëm tri pikët, pasi e merituam fitoren. Krijuam shumë dhe të gjitha ndeshjet janë të vështira. Ka soliditet dhe bujari, por mund të ishim më të saktë”, tha Deschamps.
“Gjithsesi, rëndësi ka që e filluam me një fitore. Në gupin tonë ka cilësi dhe talent nga të gjithja skuadrat. Lojtarët e dinë se ne kemi nevojë për soliditet në fazën e mbrojtjes dhe përpjekje në moszotërim të topit”, tha më tej Deschamps.
“Nuk duhet të shpërdorojmë më, kjo është një mangësi që në një turne të tillë nuk falet, pasi mund të ndëshkohemi. Shpresoj që djemtë ta kenë kuptuar, pasi e detyruam të vuajmë deri në fund”, tha trajneri francez.
