Phil Foden u shpall MVP i sfidës Manchester City-Napoli, teksa foli me krenari për paraqitjen e skuadrës së tij: “Është fillim perfekt i Champions-it, përballë një kundërshtari shumë të vështirë. Napoli është një makth për t’u mposhtur, e pamë sot.

Ata lënë hapësira minimale, duhej ta qarkullonim topin në momentin e duhur dhe të thyenim linjat. Mendoj se ishim inteligjentë, nuk humbëm shumë topa në zona të rrezikshme. Në përgjithësi ishte një paraqitje solide”.

I pyetur për Kevin De Bruyne, Foden tha: “Një legjendë e klubit tonë. Nuk mund ta falënderoj mjaftueshëm për gjithçka që ka bërë për City dhe trofetë që na ka dhënë. Do të mbetet përherë një legjendë këtu”.