Trajneri i Manchester United, Ruben Amorim, ka vendosur të promovojë edhe më shumë lojtarët e rinj të Akademisë së klubit. Jack Fletcher ose Shea Lacey do të udhëtojnë me skuadrën për ndeshjen ndaj Crystal Palace të dielën, lajm që konfirmohet nga “The Sun“.

Dy adoleshentet janë përfshirë disa herë me ekipin në stërvitje apo në ndeshje, por tashmë do të promovohen më rregullisht. Të dy lojtarët janë 18 vjec. Jack Fletcher është djali i ish-mesfushorit të United, Darren Fletcher, trajner i Akademisë.

Ai u përfshi në skuadrën e “djajve të kuq” për të luajtur kundër Tottenham në fillim të këtij muaji. Ndërsa, mesfushori Lacey, ishte në stol për herë të parë gjatë humbjes së United ndaj Everton të hënën.

Javën e kaluar, trajneri Ruben Amorim, la të kuptohej se lojtarët e Akademisë së United do të përfshihen më shumë muajt në vijim, ndërkohë që disa nga tituillarët do të largohen në Kupën e Afrikës apo edhe për shkak të dëmtimeve.

“Djem si Jack Fletcher apo Shea Lacey mund të përmirësohen. Në të njëjtën kohë, mund t’u dërgojmë një mesazh të gjithëve këtu në Akademi se kjo është e ardhmja pæor edhe titullarëve se e ardhmja është e sigurtë. Do të kemi vështirësi dhe duhet të jemi të përgatitur për këtë“, tha Amorim.