Zhgënjim i hidhur për Belgjikën, e cila largohet nga Europiani pas disfatës së ngushtë (1-0) të pësuar nga Franca. Jo aq për vetë rezultatin, por për faktin se eliminimi erdhi vetëm pas një autogoli të Jan Vertonghen, i cili ishte i pafat, duke devijuar një goditje nga Kolo Muani, pak minuta para përfundimit të ndeshjes.
Skuadra e Didier Deschamps do të takohet në çerekfinale me Portugalinë e Cristiano Ronaldos, i cili fitoi me penallti kundër Sllovenisë, jo pa emocione të forta. I gjithë zhgënjimi mund të lexohej në fytyrën e dikujt si Kevin De Bruyne.
Mesfushori, pas ndeshjes, pasi iu përgjigj shumicës së pyetjeve të gazetarëve të pranishëm, shpërtheu duke i lënë të pranishmit pa përgjigje, pasi u pyet se çfarë mendonte për “zero fitore” nga i ashtuquajturi “Brezi i Artë”, siç u përcaktua brezi i talenteve të mëdhenj belg.
“A mendoni se Gjermania, Spanja dhe Franca nuk kanë një brez të artë?” – u përgjigj ylli i Manchester City i zemëruar, më pas u largua duke u thënë nëpër dhëmbë një fjalë fyese, “budalla”, për ta bërë të qartë zhgënjimin e tij mbi pyetjen që i bëhej.
