Janë luajtur sot 4 nga 6 ndeshjet e javës së 21-të në Kategorinë e Parë. Skënderbeu kryesues ëhstë ndalur në një barazim pa gola në transfertën ndaj Korabit në Peshkopi.
Laçi i vendit të dytë mori një fitore shumë të rëndësishme 0-1 në transfertën ndaj Lushnjes. Vendimtar për kurbinasit ishte goli i Olsi Myrta në minutën e 15-të. Pas kësaj fitoreje, Laçi ngushton diferencën me Skënderbeun kryesues në vetëm 3 pikë, ndërsa diferenca me vendin e tretë, Pogradecin, tani është 5 pikë.
Liqenorët u ndalën në një barazim 2-2 në transfertën ndaj Apolonisë. Kapiteni Vangjel Zguro barazoi shifrat 2-2 nga pika e bardhë e penalltisë, në kohën shtesë.
Në ndeshjen e fundit për sot, Kastrioti fitoi 2-1 në shtëpi ndaj Kukësit. Nesër luhen dy ndeshjet e fundit për këtë javë: Burreli-Iliria dhe Besa-Luftëtari.
