Një gol i Cole Palmer në mesin e pjesës së dytë riktheu buzëqeshjen te kombëtarja e Anglisë në finalen e Euro 2024, por që s’mjaftoi për të evituar humbjen. Kombëtarja e “3 luanëve” u mund 1-2, duke pësuar humbjen e dytë në dy finale radhazi.
Sulmuesi i Chelsea në Premier League, duke folur për këtë fund të trishtë të turneut që u zhvillua në Gjermani, u shpreh: “Spanja ka qenë fantastike gjatë gjithë turneut, të gjithë kanë parë se çfarë mund të bëjnë, ndaj urime”.
“Ne kemi arritur një finale tjetër, ka diçka pozitive për të thënë në gjithë këtë rrugëtim të vështirë. Të gjithë donin të bënim një hap më tej përpara dhe na vjen keq që nuk e bëmë. Më vjen keq që goli im nuk na dha atë që donim”, tha Palmer.
