David Alaba, mbrojtësi i Real Madrid dhe kapiteni i kombëtares austriake, i cili këputi ligamentet në dhjetor dhe nuk mund të luajë në Euro 2024, do të përshihet në stafin teknik të ekipit austriak, që drejtohet nga trajneri Ralf Rangnick!
Roli i tij aktual brenda strukturës teknike ende nuk është sqaruar, por mund të jetë një ndihmës-trajner. Sipas gazetës spanjolle “Relevo”, ishte vetë Rangnick ai që sugjeroi këtë plan, pasi i beson përvojës së tij, me 105 ndeshje e 15 gola në kombëtare.
Alaba konsiderohet si krahu i djathtë i trajnerit dhe prej vitesh është një lojtar lider, jo vetëm në kombëtaren austriake, por edhe në Real Madrid. Është e rëndësishme prania e tij në Euro 2024 për strukturën e ekipit si brenda ashtu dhe jashtë fushës.
ÖFB (Federata Austriake e Futbollit) deklaraon se Alaba e ka pranuar ofertën edhe pse ka preferuar të ishte në fushë. Gjithsesi, ai do t’i bashkohet kombëtares pas finales së Champions League, ku Real Madrid do të luajë ndaj Borussia Dortmund.
