Janë luajtur sot tri nga katër takimet e javës së 8-të të Superligës në volejboll për femra. Në pritje që në fushë të zbresin kryesueset e Pogradecit, që luajnë të shtunën në derbin juglindor ndaj Skënderbeut, në krye të renditjes është ngjitur Dinamo.

Skuadra “blu” fitoi 3-0 në derbin kryeqytetas ndaj Partizanit (25-22, 25-21, 25-16). Një ndeshje me rivalitet në dy setet e para, por me një epërsi të lehtë të Dinamos, që ishte superior në fushë dhe e meritoi fitoren dhe tri pikët e radhës.

Një fitore të rëndësishme korri edhe Tirana, që në fushën e saj mundi 3-0 Teutën (25-6, 25-15, 26-24). Durrsakët e nisën dobët ndeshjen, por e mbyllën duke rivalizuar. Po 3-0 fiton edhe Vllaznia, që në Shkodër mposhti 3-0 Korabin (25-17, 25-9, 25-16).

Superliga-Femra, java e 8-të

Vllaznia – Korabi, 3-0

Partizani – Dinamo, 0-3

Tirana – Teuta, 3-0

Pogradeci – Skënderbeu, 8 shkurt

Renditja: Dinamo 24 pikë, Pogradeci 22 pikë, Tirana 21 pikë, Skënderbeu 16 pikë, Partizani 10 pikë, Vllaznia 8 pikë, Teuta 4 pikë, Korabi 0 pikë.