Al-Ittihad po punon për të befasuar botën e futbollit, pasi i ka dërguar një ofertë zyrtare Jurgen Klopp, për të marrë postin e drejtorit teknik.

Sacha Tavolieri konfirmon se kontaktet midis të dyja palëve janë me të vërtetë reale, pavarësisht se gjermani në të gjitha daljet e tij publike ka hedhur poshtë zërat për një rikthim dhe është shprehur i lumtur për detyrën dhe postin që ka te kompania Red Bull.

Klopp nuk është kategorikisht kundër një eksperience në Arabinë Saudite, por ai ka kërkesa shumë të qarta përpara se të japë miratimin e tij përfundimtar për ofertën. Gjermani këmbëngul të bashkohet me klubin saudit sapo të fillojë sezoni i ligës, kohë kur i mbaron kontrata aktuale me kompaninë ku është i punësuar.

58-vjeçari ka vendosur disa kushte të prera, qoftë nga ana financiare apo edhe ajo organizative, të cilët po shqyrtohen me kujdes nga drejutesit e Al-Ittihad.

Para se Florentino Perez të zgjidhte Jose Mourinho-n, pati kontakte edhe me Klopp, por gjermani refuzoi stolin e Real Madridit.