Mesfushori i Barcelona-s, Pedri, ka zbuluar pseudonimin që ka për shokun e skuadrës, Marc Casado.

Pedri e quan Casado “Pitbull” për shkak të përpjekjeve të tij të pandërprera për të rifituar topin nga kundërshtarët.

Marc Casado u promovua në ekipin e parë të Barcelona-s në verë nga rezervat. 21-vjeçari ka dëshmuar se është një forcë në mesfushën e katalanasve.

Paraqitjet e Casado-s kanë bërë një përshtypje, jo vetëm te tifozët, por edhe te shokët e tij. Pedri së fundmi shprehu admirimin e tij për mesfushorin mbrojtës, duke thënë për Barca Universal:

“E vlerësoj shumë. E quaj ‘pitbull’ sepse ai gjithmonë bën presing si një bishë për të rifituar topin. Ai është një lojtar që më ka befasuar shumë”.