Mark Zuckerberg, themelusesi i “Facebook”, mund të ketë më shumë përvojë në artet marciale se Elon Musk (pronari i Twitter), por ky i fundit po bën lëvizjet e para për të qenë gati për duelin që dy miliarderët pritet të zhvillojnë në artet marciale mikse.
Javën e kaluar, Musk u pa duke u stërvitur me podkasterin dhe brezin e zi brazilian në Jiu-jitsu Lex Fridman. Por s’ka mbauar këtu. Musk ka ndarë palestrën edhe me kampionin tjetër brazilian të jiu-jitsu, John Danaher dhe mbi të gjitha me legjendën e MMA-së, personin e konsideruar si më të madhin e të gjitha kohërave, Georges St. Pierre.
Pra, Musk nuk dëshiron t’i lërë asgjë rastësisë dhe fakti që ka afruar në stafin e tij disa nga yjet e arteve marciale mikse tregon për seriozitetin e tij. Sidomos prania e Georges St.Pierre është e rëndësishme, pasi kanadezi ka qenë dhe mbetet një ikonë e UFC-së.
Ndërsa Zuckerberg u pa së fundmi duke u stërvitur me kampionin botëror të BJJ, Mikey Musumeci, kështu që edhe ai nuk është plotësisht i vetëm. Atij i është ofruar gjithashtu stërvitje elitare MMA nga ish-kampionët e botës, kështu që kjo sfidë do të jetë e jashtëzakonshme, pasi edhe më të mirët po rikthehen në kafaz.