Ish-mbrojtësi i Francës, Vincent Candela, ka theksuar se çfarë Kylian Mbappe duhet të bëjë për të ndjekur gjurmët e Cristiano Ronaldo-s te Real Madrid.
Fituesi i Kupës së Botës 1998 deklaroi se kapiteni francez duhet të punojë më shumë dhe të fitojë tituj me Los Blancos.
Candela tha për Madrid Universal:
“Ai duhet të punojë më shumë në Spanjë. Ai ende mund të rritet dhe të bëhet një futbollist më i fortë”.
Ish-futbollisti theksoi se Mbappe ishte fytyra e skuadrës gjatë qëndrimit të tij te PSG, por te Real Madrid, është një prej disa yjeve.
“Tek Real Madrid, Kylian Mbappe është një ndër të shumtët, ndërsa te PSG ishte një ikonë”, shtoi Candela.
“Shpresojmë se Mbappe mund të ndjekë rrugën e Cristiano Ronaldos te Real Madrid. Por është shumë herët për t’i krahasuar. Para së gjithash, ai duhet të fitojë Champions League, siç bëri shumë herë portugezi”, përfundoi Candela.
Cristiano Ronaldo është golashënuesi i të gjitha kohërave i Real Madrid-it me 451 gola dhe 131 asiste në 438 ndeshje.
Sulmuesi legjendar portugez fitoi 16 trofe të mëdhenj me Los Blancos, duke përfshirë katër tituj të Champions League.
