Abdulmanap Nurmagomedov, babai i Khabib Nurmagomedov, kampionit të botës në peshën e lehtë në artet marciale mikse, është jashtë rrezikut për jetën. Khabib ka konfirmuar se babai i tij, që pak ditë më parë ishte në gjendje kome, ka qenë i sëmurë me Covid-19, por tashmë është drejt shërimit.
“Virusi vdekjeprurës ishte shkaktar i gjendjes së rëndë shëndetësore të babait tim”, tha Khabib për mediat ruse. Babai i tij është ende në spital, por tashmë gjendja e tij shëndetësore është më mirë.
“Rreth 20 vetë nga familja ime u prekën nga coronavirus dhe kanë qenë nën kujdesin shëndetësor. Edhe unë kam qenë i detyruar të qëndroj gjatë në izolim. Babai im është ende në spital, pasi pati edhe probleme me zemrën gjatë kësaj periudhe që u prek nga coronavirus”, tha Khabib.
“Dua të falënderoj njerëzit që më kanë mbështetur dhe ndihmuan babain tim të shërohej. Kujdesuni për veten, të jeni të shëndetshëm”, tha Khabib Nurmagomedov.
