Euro 2024 do të shohë në fushë shumë kampionë të futbollit, mjaft prej tyre do të mungojnë për arsye të ndryshme. Disa pasi kombëtaret e tyre nuk u kualifikuan, disa për shkak të zgjedhjes teknike të trajnerëve dhe disa për shkak të dëmtimit. Ata do të ndjekin turneun që zhvillohet në tokën gjermane para televizorit.
Ky është “TOP 11” i futbollistëve që do të mungojë në Euro 2024, i rreshtuar me skemën 4-3-3: Courtois; James, Hummels, Acerbi, Balde; Gavi, Tonali, Odegaard; Gudmundsson, Haaland, Rashford.
Erling Haaland kryeson grupin e kampionëve që nuk do të jenë në Gjermani për shkak se kombëtarja e tij nuk u kualifikua. Sulmuesi norvegjez është në shoqëri të mirë, duke filluar nga bashkëkombasi i tij Odegaard, kapiteni dhe ylli i Arsenalit. Me ta edhe islandezët Gudmundsson, suedezët Gyokeres, Isak dhe Kulusevski dhe boshnjaku Dzeko.
Lëndimet ndikuan në zgjedhjet e disa prej komisionerëve teknikë: Spalletti duhej të hiqte dorë nga Berardi, Zaniolo, Acerbi dhe Scalvini. Ndërsa Spanja la në shtëpi lojtarë si Gavi dhe Balde.
Franca duhej të hiqte dorë nga Lucas Hernandez dhe Nkunku. Holanda ishte gjithashtu e pafat: Zirkzee, De Roon, Botman dhe Timber iu bashkuan në orët e fundit pas dëmtikeve të Koopmeiners dhe Frankie De Jong. Polonia ka humbur Milik, Austria është pa Alaba, ndërsa Skocia duhet të heqë dorë nga Ferguson.
Është trajneri i Anglisë, Southgate, ai që befasoi me zgjedhjet teknike më të dhimbshme, edhe rezultati është ky: Rashford, Grealish, Sterling, James, Chilwell, Maguire dhe Jordan Henderson nuk gjetën vend në skuadër. Në Gjermani po bëjnë bujë dorëheqjet e Hummels, Goretzka, Adeyemi dhe Brandt, ndërsa Danimarka nuk ka thirrur Isaksen dhe Lindstrom.
Më pas është rasti i veçantë i Thibaut Courtois, i cili pati kohë për të fituar Champions League me Real Madrid, por nuk shkoi në Gjermani sepse ishte në mosmarrëveshje me trajnerin gjerman. Ka edhe nga ata që nuk marrin pjesë në Euro 2024 sepse janë të skualifikuar, si Pogba dhe Tonali.
