Jake Paul (5 fitore, 0 humbje në karrierë si boksier), personazhi i njohur i YouTube që aktualisht ka nisur një karrierë edhe në sportet luftarake, ka tërhequr vëmendjen e shumë personave. Edhe atë të Khabib Nurmagomedov, që është gati ta afrojë Paul në Ligën e tij “Eagle FC”.
Përmes një mesazhi në rrjetet sociale, ish-kampioni rus i arteve marciale mikse (29 fitore, 0 hubje), i ka bërë një ftesë Jake Paul. “Dyert e Eagle Fight Club janë gjithnjë të hapura për ty dhe ekipin tënd”, ka qenë mesazhi i Khabib Nurmagomedov.
E menjëhershme ka qenë edhe përgjigjja e Jake Paul: “Marrëveshjen quaje të kryer, por vetëm nëse do të dueloj me ty të parin”. Siç dihet, Khabib është tërhequr nga kafazi që prej 18 muajsh.
the doors of @EagleFightClub always open for you and your team.
— khabib nurmagomedov (@TeamKhabib) January 23, 2022
