Jo vetëm futbolli i luajtur po tërheq vëmendjen në Botërorin 2026. Jürgen Klopp është bërë protagonist në rrjetet sociale falë një momenti argëtues gjatë ndeshjes Zvicër–Kolumbi.
Ish-trajneri i Liverpool-it, që përmendet si një kandidat i mundshëm për stolin e kombëtares së Gjermanisë, u filmua në tribunë teksa ndiqte sfidën duke shijuar një tabaka me patate të skuqura të shoqëruara me shumë ketchup.
Pamjet u përhapën me shpejtësi në rrjetet sociale, duke u bërë “virale” dhe nxitur komente e “meme” të shumta nga tifozët. Shumë prej tyre vlerësuan spontanitetin dhe thjeshtësinë e teknikut gjerman, i cili edhe larg pankinës vazhdon të tërheqë vëmendjen.
Një episod i zakonshëm, por që tregoi edhe një herë karizmën e Klopp, i cili mbetet një nga figurat më të dashura të futbollit botëror, pavarësisht se këtë herë ishte thjesht një spektator në tribunat e Botërorit.
