Janë luajtur sot dy ndeshjet e para të vlefshme për çerekfinalet e Kupës së Shqipërisë, që duke nisur nga kjo fazë luhen me dy takime. Në “Adush Muça” në Ballsh, Vllaznia fitoi 0-1 ndaj Bylis. Vendimtar goli i Lirim Kastrtatit në minutën e 28-të nga pika e bardhë e penalltisë, pas një kontakti në zonë mes Chalres Bismark dhe kapitenit vendas, Aurel Marku.

Në “Niko Dovana” në Durrës, Egnatia fitoi në frymën e fundit 1-2 ndaj Teutës. Vendasit kaluan të parët në avantazh me ERgis Arifi, i cili shënoi me kokë pas një krosimi në zonë nga Qëndrim Ismajli.

Në fund të shtesës në pjesën e parë, Egnatia barazon shifrat me Daniel Adjessa, pas krosimit të Abdurraman Fangaj. Në minutat shtesë të pjesës së dytë, Altin Kryeziu do të shënonte golin e fitores për rrogozhinasit, me një goditje nga distanca.

Nesër luhen dy ndeshjet e tjera çerekfinale: Tirana-Dinamo dhe Elbasani-Partizani.