Dy javë pasi kreu operacionin e katërt në shpatull në një klinikë në Amerikë, piloti spanjoll i Honda, Marc Marquez ka kryer kontrollin e parë mjekësor, në Madrid. Rezultatet e këtij kontrolli kanë qenë pozitive.
Ekipi mjekësor ka rekomanduar 8 herë kampionin e botës në garat e motoçiklizmit që të vijojë ushtrimet e kontrolluara edhe për katër javët në vijim, kur dhe do të kryejë një tjetër vizitë mjekësore.
“Kreva një vizitë mjekësore në Madrid dhe mjekët janë të kënaqur me progresin. Krahun e kam ende të fashuar dhe do të vijoj kështu edhe për një muaj. Ndjesia është pozitive , pasi nuk kam dhimbje dhe kjo është e rëndësishme”, tha Marquez.
“Mjekët më këshillojnë të jem i qetë dhe i durueshëm, duke ndjekur një regjim të rreptë”, tha piloti spanjoll, që ka mbyllur para kohe sezonin 2022 të MotoGP. Ai u operua për herë të parë në verën vitin 2020, pas një rrëzimi në garën e parë sezonale.
Primera revisión médica hecha ✅ Todo en orden, seguimos💪🏼😁
The first medical revision is done! All ok! Let's keep going! 💪🏼#MM93 pic.twitter.com/D5QbKLPa6Y— Marc Márquez (@marcmarquez93) June 18, 2022