Nuk kanë të sosur polemikat mes Conor McGregor dhe Khabib Nurmagomedov. Pas një periudhe të qetë, ka qenë sërish irlandezi ai ka thumbuar kampionin rus të arteve marciale mikse.

Skuadra e Nurmagomedov në “Twitter”, MMA Team Dagestan, ka postuar foton zyrtare të eventit UFC-241, që zhvillohet më 7 shtator në Abu Dhabi. Aty përmenden edhe emrat e 6 sportistëve rusë të këtij ekipi që mund të duelojnë në këtë event. Përfshi edhe Khabib Nurmagomedov, që do të mbrojë titullin e peshës së lehtë.

McGregor nuk ka qëndruar i heshtur, por ka komentuar këtë postim: “Ekipi i Meldionium (substancë dopingu). 3 prej atyre që janë shkruar në atë listë janë kapur me substance të ndaluara në të shkuarën: Islam Makhachev, Zubaira Tukhugov dhe Mairbek Taisumov. Të gjithë janë një ekip minjsh që vijnë erë e keqe”, ka shkruar irlandezi.

Më pas, Conor McGregor e ka fshirë komentin. Irlandezi pritet të takohet këtë javë me Dana White për të biseduar për rikthimin e tij në kafaz, që mund të ndodhë këtë verë.