Drejtuesit e Manchester City janë vënë në lëvizje për të gjetur zëvendësuesin ideal të Rodri-t. Spanjolli ka qenë thelbësor në sukseset e Man. City në vitet e fundit, por tashmë është larg formës së dikurshme, sidmos pas dëmtimit të rëndë që pësoi në fillim të sezonit të kaluar.
Edhe pse ka provuar Mateo Kovacic për të zëvendësuar Rodri-n, apo Nico Gonzalez për të cilin u shpenzuan 60 milionë euro në merkaton e janarit, Pep Guardiola nuk është i kënaqur dhe ka kërkuar nga drejtuesit një tjetër mesfushor difensiv.
“BILD” raporton se objektivi i madh i Man. City, i cili është piketuar si zëvendësuesi i mundshëm i Rodri-t, është mesfushori i Bayern, Aleksandar Pavlovic. 21-vjeçari pëlqehet shumë nga Pep Guardiola, ai është në kontratë me bavarezët deri në vitin 2029.
