Trajneri i Chelseat, Mauricio Pochettino, ka thënë se humbja e pësuar në shtëpi në shkurt kundër Wolves ka qenë momenti i tij më i keq i sezonit.

Humbja 2-4 pasoi humbjen 4-1 kundër Liverpool-it.

Pochettino tha: “A mund të jem i sinqertë? Mendoj se pas Wolves, ndeshjes në shtëpi, ju kujtohet se çfarë ndodhi gjithashtu.

“Nuk e mendoja se do të shkarkohesha, por mendoja se ishte një moment i vështirë, ajo disfatë në shtëpi ishte vërtet, shumë e vështirë.

“Në këtë moment, si trajner dhe staf stërvitor, mund të ndjesh vetminë.

“Kur ndihesh sikur të gjithë po të shohin sikur je fajtor për diçka që nuk e di vërtet se çfarë është.

“Mendoj se në këtë moment ne ndjemë vetminë, sepse ishim vetëm pas ndeshjes.

“Mendoj se kaluam dy orë, kjo ishte koha më e gjatë pas ndeshjes që ishim atje, stafi stërvitor, në një dhomë shumë të vogël.

“Ishim të trishtuar dhe ndjemë se ishte një situatë e padrejtë. Rezultatet e këqija të vendosin në një situatë shumë të vështirë.

“Problemi ishin rrethanat. Rrethanat ishin vërtet shumë të këqija.

“Për shkak të situatës me dëmtimet duhet të ndryshonim ekipin vazhdimisht.

“Ky ishte zhgënjimi dhe situata e trishtueshme që ne nuk mund t’i ofronim shumë tifozëve dhe klubit. Ishte një moment vërtet i trishtuar”.