Interi do të duhet të shesë të paktën një lojtar të madh këtë verë për të rimbushur arkat dhe për të qenë në gjendje të kryejë transferime të ardhshme pa shumë probleme.

Situata duhet monitoruar vazhdimisht sepse mund të ketë surpriza të papritura.

Sipas fichajes.net, Dumfries është kandidati numër një për një largim nga Interi.

Pavarësisht rinovimit të kontratës që u bë pak muaj më parë, mbrojtësi holandez mund të jetë ai që do të sakrifikohet nga zikaltrit.

Dumfries është veçanërisht i kërkuar në Premier League: ka Manchester United, Chelsea dhe Arsenal që janë gati të bëjnë oferta të rëndësishme për mbrojtësin holandez.

Interi e vlerëson lojtarin 40 milionë euro.

Oferta që ka në mendje Manchester United është 15 milionë plus kartoni i Rasmus Hojlund.

Ish-sulmuesi i Atalanta-s mund të bëhet një emër i rëndësishëm për zikaltrit të cilët në fund të sezonit mund të çlirohen edhe nga paga e rëndë e Marko Arnautovic.